Name: Your perfect mistake 
أسفة لأني خلطت الشعر العربي بالأنجليزي و كمان أسفة إني كتبت ساعات عن حاجات مالهاش معنى و لا مغذي محدد, أنا بس... أنا أصلا بقالي فترة مش عارفة اكتب خالص, زهقت من الكلام, عندي كلام جميل بس ليه؟ الكاتب بيكتب و القارئ يستمتع و يتخيل نفسه في القصيدة بس بعد كده الكاتب نفسه..يعني..الكاتب يعمل ايه في نفسه؟ليه الكاتب دايما حزين؟ مهما فرح..الحزن جزء منه..الفيلسوف مرهق...العبقري مكتئب...الشاعر ملعون بعقله. مفيش حدود, انا عايزة اعرف انا حدودي فين...؟ مش صحيح ان كل شيء له سبب؟ انا ليه بعرف اكتب؟ العقل عبء و الجمال عبء و التفكير مرهق جدا
posted by Your perfect mistake @ 12:04 am ::
2 comment(s)
At18,May,2008 - 11:08 AM, Karim Ghaly said ...
؟ليه الكاتب دايما حزين؟ مهما فرح..الحزن جزء منه..الفيلسوف مرهق...العبقري مكتئب...الشاعر ملعون بعقله. مفيش حدود, انا عايزة اعرف انا حدودي فين...؟ مش صحيح ان كل شيء له سبب؟
انا ليه بعرف اكتب؟ العقل عبء و الجمال عبء و التفكير مرهق جدا
..........................................................................
كتابتك عن الكتابه افضل من كتابتك
هقولك حاجه ، ليه الكاتب دايماً حزين ؟؟
عشان الواحد لما بيكتب بيتئثر بمتغيرين
الأول : هو المتغير النفسى او بيمر بحالة حزن تدفعه للكاتبه ، وفى الغالب يتجه للكتابه لما يكون عايز يقول حاجه لحد ومش عارف يقولها له يبتدى يخرج كلماته فى ورق .
التانى : هو المتغير المادى اى الملموس يعنى دايماً لما نكبتحاجه نحاول نخفيها لانها بتظهر حياتنا الشخصيه وممكن تكون السريه يعنى ندخل اوضه ونقفل بالمفتاح ولما نخلص كتابه نخبى الورق اللى كتبناه
ودايماً بنحتاج للهدوء فى الكتابه ممكن ننتظر ان يأتى الليل بيكون فيه شعور بالوحده واحنا بنكتب .. ومايزيد الموقف رهبه فى تلك الهدوء انك تستمعى دقات الساعه فتزيد من جو رهبة الموقف وتدفق الكلمات وتصبغها بجو اكثر حزناُ
واننا كا كائنات عاطفيه وخاصةً فى بيئتنا المصرية .. ربما يأخذ الحزن الكثير من حياتنا
اما الفرح يتملكننا دقائق او لحظات من حياتنا وسرعان ما نتحول للوجها الحزينة فى حياتنا
عشان كده لما الواحد بيفرح مش بيكتب لكن بعيش لحظات السعاده فى موقف ما فى حياتها وتنتهى وتنهتى معها ذكريتها .
والأسوء من ذلك أن فى الكتابه تسحبك من من حولك .. لا تتحدثى لاحد .. فقط تخرجى ما بداخلك مابين الورقه والقلم .. تحي حياة وحيده مما يزيد صعوبة موقف الكاتب .. تشعرى بلا احد جانبك عندما تتجهى لقلمك .. لا تتحدثى لاحد ولا تلك ولا ذاك .
عشان كده بيكون الجو حزين .. ديه غير التفكير اللى زى ما قولتى مرهق جداً
لانه بياخد وقت كبير من حياة الانسان اللى بيكتب لما يعنى انا ممكون عايز اقول حاجه اقولها عادى لكن لما اجى اكتبها بكتبها مش عادى بتحتاج لتفكير مرهق جداً ممكن يوقظك من نومك لمجرد انك تذكرتى فكره اضافه للموضوع .
ودائماً افصل ما بين الكاتب والصحفى وأنا
فكلامى لا بنطبق على صحفى او مفكر او محلل سياسى يعرض ارائه ورؤيته للموقف من خلال مقال لا نوصفه بالكتابهولا حتى الصحفى اللى بيكون او يقال عنه " شغال صحفى" لانى اعتقدها جمله من شقين لا يأتو وراء بعدهم ابداً
الكلام عن الكتابه هياخد كتير ربما يحتاج لمقال كامل لعرض تعريفات ومصطلحات عدة
..............................................................................................
( بعت لكى ماسدج على الايميل ابقى اقرئيها)
وسـلامـى
كريم غالي
At21,May,2008 - 04:28 PM, كريم البائس said ...
الله علي ردك الله بجد يا كريم انت جيت في الجون صح